Олардың негізгі мақсаттары, Мемлекет басшысының тапсырмаларына сәйкес, еңбек өнімділігін 2,5 есеге арттыру; ішкі нарықты азық-түлік тауарларымен 80% деңгейінде молықтыру; өңделген өнім экспортын 2 есеге ұлғайту; ірі инвестициялық жобалар айналасында 7 экожүйе қалыптастыру болады. Бұл туралы Орталық коммуникациялар қызметінде халық алдында есеп беру кездесуінің қорытындысы бойынша өткен брифингте ведомство басшысы Сапархан Омаров мәлім етті.
Жалпы, жоспарланған шаралар алдағы бес жылда алға қойылған мақсаттарға қол жеткізуге, сондай-ақ салаға 4,5 трлн. теңге инвестиция тартуға мүмкіндік береді және қосымша 500 мың адам жұмыспен қамтамасыз етіледі.
