Ішкі істер министрі Ерлан Тұрғымбаевтың айтуынша, еңбекақыны кезең-кезеңімен көтеру алдағы 3 жылда жүзеге асырылады.
«Бірінші кезекте, төменгі бөлімшелерде: аудандық, саптық бөлімшелер, сержанттар құрамының еңбекақысы көтеріледі. Лейтенант алғашқы қызмет еткен жылы 162 мың теңге, ал учаскелік инспектор 200 мыңға дейін алады. Тұрғын үймен қамтамасыз ету жағынан - полиция қызметкерлерінің 72% - ы тұрғын үй төлемдерін алуға құқылы. Биыл заң қабылданды. 2021 жылдың үшінші тоқсанынан бастап екінші деңгейлі банктер арқылы тұрғын үй төлемдері төленіп, қызметкерлер тұрғын үймен қамтамасыз етіледі. Бұл да саптық бөлімшелерге, учаскелік полиция инспекторларына, жедел-тергеу бөлімшелеріне қатысты. Қалған бөлімшелер бойынша Үкімет қаулысы әлі шыққан жоқ», - деп түйіндеді ведомство басшысы Орталық коммуникациялар қызметінде өткен брифингке қатысушыларының сұрақтарына берген жауабында.
