Оның айтуынша, онлайн мектепте оқушылар синхронды және асинхронды бағытта оқи алады. Жоба пікірталас алаңынан онлайн мектепке дейін кеңейтілді.
«Пилоттық кезеңде онлайн мектепке «Мың бала» Ұлттық олимпиадасының финалистері болған 3 мыңнан астам ауыл оқушылары қабылданған болатын. Ал қазір 48 топта 1500-ге жуық оқушы білімін жетілдірді. Онлайн мектепті жүзеге асырудың бірнеше бағыты бар. Біріншіден, негізгі пәндерге қосымша білім беру онлайнмен қатар офлайн форматында жүзеге асады. Оқушылар өздріне ыңғайлы бағытты таңдайды. Негізгі пәндер: математика, ағылшын, жаратылыстану, орыс және қазақ тілі. Оқу үрдісі екі ауысым бойынша жүргізіледі. 2020-2021 оқу жылында 9 мыңнан астам онлайн-сабақ өткізілді», - деді спикер.
