Алдағы бес жылда облыстың орман қоры жерлеріне 7 млн көшет, ал елді мекендерге – 540 мың ағаш отырғызу қарастырылған.  


«Сонымен қатар, өңірдегі «Теңізшевройл», NCOC, АМӨЗ және «Ембімұнайгаз» сынды ірі мұнай-газ кәсіпорындарымен де көгалдандыру жұмыстарына қатысты меморандум жасалды. Олар күзде жұмыстарды бастайды. Сондай-ақ, биыл космостық мониторингтеу арқылы Атырау қаласы аумағынан 94 заңсыз қоқыс орны анықталды. Олардың 39-ы тазаланды, 42 тазалау жұмыстары жүргізілуде, ал қалған 13 қоқыс орнының иелері анықталуда. 2020 жылы Атырау қаласында 464 тіркелмеген қоқыс орындары анықталып, барлығы жойылған болатын», – деді өңір басшысы жергілікті экологиялық ахуалға тоқтала келе.