ҰБТ-ға тіркелу үш ай бойы (сәуірден мамырға дейін) жүргізілді. 285 164 өтініш қабылданды. ҰБТ жүйесінде өте жақсы өзгерістер орын алуда, сол арқылы көптеген мәселелер шешілуде. Тестіленушілер арасында эмоциялық шиеленісті төмендету, академиялық адалдықтың ашықтығын және тестілеу рәсімінің өзінің ашықтығын күшейту, сұрақтар мазмұнының өзгеруі. ҚР БҒМ Ұлттық тестілеу орталығы директорының м.а. Наужан Дидарбекова Орталық коммуникациялар қызметінде өткен брифинг барысында ағымдағы тестілеудің қорытындысын жариялады.
«145 288 талапкер қатысты. Жалпы орташа балл 69,8 құрады. 88 101 талапкер шекті балл жинады, 57 187 бала шекті межеден өте алмады, бұл 37,4%. Ең жоғары баллды бір ғана тестіленуші иеленді. Өкінішке орай, тестілеу кезінде 18 адамның жалған тұлғасы тіркелді. 756 түлек тыйым салынған заттарды алып өтуге тырысқандықтан ҰБТ тапсыру мүмкіндігінен айырылды», - деді спикер.
Сондай-ақ, тестілеу кезінде тәртіп бұзған 1 305 адам шығарылды, сәйкесінше олардың нәтижелері жойылды.