«Құжаттар санына келсек, қазіргі кезде мемлекеттік органдар пысықталып жатыр. Ақпарат және қоғамдық даму министрлігінің бастамасымен азаматтық беру бойынша құжаттарды оңтайландыру процесі жүргізіліп жатыр. Жыл соңына дейін 46 құжаттан 26-ға дейін қысқарту көзделген. Осының барлығы елімізге көшіп келген немесе көшіп келуге ниет білдіріп отырған азаматтарға жасалып отырған жеңілдіктердің бірі. Қазір азаматтық алу мен тіркеуге тұру үшін бір-ақ рет құжат тапсырылады. Әрқайсысына бөлек емес. ІІМ бұйрығымен бекітілген бұл тәртіп 2021 жылдың 1 қаңтарынан бастап күшіне енді», - деді Сарбасов.   


Айта кетейік, 2019 жылы «Отандастар қоры» КЕАҚ жанынан 1404 қысқаша номері бойынша елімізге көшіп келген қандастарды ақпараттық қолдау орталығы құрылған болатын. Қазіргі кезде 11 мыңға жуық өтініш келіп түсті. Оның 95 пайызы орындалуда. Сарбасовтың айтуынша, адамдар көбінесе құжаттандыру, білім алу, тіркеу, әлеуметтік мәселелер бойынша жүгінеді.