«Су айдындарында қауіпсіздікті қамтамасыз ету мақсатында ТЖМ бөлімшелері жергілікті атқарушы органдармен бірлесіп практикалық және профилактикалық іс-шаралар кешенін жүргізеді. Бүгінгі күні ел бойынша шомылуға рұқсат етілген 515 орын анықталды, оның 131 коммуналдық және 303 жеке жағажай. Биыл әкімдіктер қосымша 43 коммуналдық жағажай, ал кәсіпкерлер жабдықталған 33 жағажай жасады. Министрлік мүдделі мемлекеттік органдармен су айдындарындағы қауіпсіздік ережелерін сақтау бойынша халықтың барлық топтарымен профилактикалық және үгіт-насихат жұмыстарын белсенді жүргізуде», - деді ТЖМ өкілі. 
Сонымен қатар, «2GIS» картографиялық платформасында барлық өңірлердегі су айдындарында шомылуға тыйым салынған және рұқсат етілген орындардың деректері жарияланды. Су айдындарында 5 500 астам ескерту белгісі орнатылды.