Газбен жабдықтаудың сенімділігі мен тұрақтылығы. Сұйытылған газды электрондық сауда алаңдары арқылы өткізудің толық шығуы 2022 жылдың басында жүзеге асырылады
Мемлекет басшысы электрондық сауда алаңдары арқылы сұйытылған мұнай газы сауда-саттығының көлемін кезең-кезеңімен ұлғайту тапсырылды. «Газ және Газбен жабдықтау туралы» заңға тиісті түзетулер әзірленді және қабылданды, оған сәйкес сұйытылған газды 2022 жылғы қаңтарға қарай электрондық сауда алаңдары арқылы өткізудің толық шығуы болжанады. Осы түзетулер шеңберінде Бәсекелестікті қорғау және дамыту агенттігімен газды шикізат ретінде пайдаланатын өнеркәсіптік кәсіпорындарды қоспағанда, сұйытылған мұнай газын 2021 жылдың соңына дейін СМГ-ны өткізудің жалпы көлемінен 80% - ға дейін ЭСА-ға кезең-кезеңімен көшіру көзделген график келісілді. Бұдан басқа, бизнес үшін әкімшілік кедергілерді азайту мақсатында 2022 жылғы 1 қаңтардан бастап «Газ желісі ұйымдарын» аккредиттеу институтын жою болжануда. Бұл туралы Орталық коммуникациялар қызметінде өткен брифингте энергетика вице-министрі Жұмабай Қарағаев мәлім етті.
«Сұйытылған мұнай газын электрондық сауда алаңдары арқылы өткізу тетігін енгізу саланың инвестициялық тартымдылығын арттыруға; өндірушілер мен тұтынушылар мүдделерінің теңгеріміне қол жеткізуге; сұйытылған мұнай газына экономикалық негізделген баға белгілеуді қалыптастыруға мүмкіндік береді, бұл өндіруші зауыттарды жаңғыртуға жол ашады; сұйытылған мұнай газы нарығындағы мәмілелердің ашықтығын және транспаренттілігін қамтамасыз етеді; елді газбен жабдықтаудың сенімділігі мен тұрақтылығын қамтамасыз ету және сұйытылған мұнай газының көлеңкелі экспортын болдырмайды», - деді ведомство өкілі.
Брифингтерден хабардар болғыңыз келе ме?
Біздің Telegram каналға жазылыңыз!