2021 жылғы 1-30 маусым аралығында санақтың дайындық кезеңі өткізілді. Жалпы, халық санағы 3 кезеңнен тұрады. Бірінші, дайындық кезеңі, негізгі кезең және қорытынды кезең. Қазіргі кезде дайындық жұмыстары аяқталды, жұмысқа тартылатын азаматтарды оқыту процесі қыркүйек айында жүргізіледі. Қалған іс-шаралардың бәрі аяқталды. Бұл туралы Орталық коммункиациялар қызметінде өткен брифингте ҚР СЖРА Ұлттық статистика бюросының басшысы Нұрболат Айдапкелов хабарлады. Оның айтуынша, халық санағы биыл ерекше түрде өтеді. Яғни, 1 қыркүйек пен 15 қазан аралығында онлайн форматта және 1 қазан 30 қазан аралығында жалпы сауалнама өткізіледі.
«Халық санағына арналған 91 сұрақтан тұратын 4 парақша әзірленді. Олар: «Тұратындар және (немесе) келушілер тізімі» (8 сұрақ); «Тұрғын үй жағдайлары» (8 сұрақ); «Жеке сұрақтар (42 сұрақ) және шетелдіктерге қойылатын сұрақтар (11 сұрақ). Бұрынғы сауалнама парақтарындағы сұрақтар кеңейтілді. Оларға тіршілік әрекетінің шектелуіне, пандемияға байланысты сұрақтар, ҚР аумағында уақытша тұратын азаматтар туралы сұрақтар және көші-қон, жұмыспен қамтылу, неке жағдайларына, тілдерді меңгеру, табыс көздеріне қатысты сұрақтар қосылды», - деді Айдапкелов.
Барлық сұрақтар Қазақстанда қызмет етіп жатқан халық санағына байланысты шетелдік халықаралық ұжымдардың сарапшыларымен, еліміздің мемлекеттік органдарымен келісілді.
Брифингтерден хабардар болғыңыз келе ме?
Біздің Telegram каналға жазылыңыз!