Ауыл әйелдерін қолдау. 81 әйел өз ісін ашты

: 24.08.2021 _ 13:40; Жаңалықтар; ҚР Президенті жанындағы ОКҚ; ҚР Президенті жанындағы ОКҚ

Қазіргі кезде ауыл әйелдерін қолдау бағдарламасы аясында Қазақстанда 81 әйел өз ісін дамытып отыр. Республикалық комиссияның шешімімен оларға грант берілді. Бұл туралы Орталық коммуникациялар қызметінде өткен брифингте Қазақстанның ауыл әйелдері форумын ұйымдастыру комитетінің төрайымы, ҚР Парламенті Мәжілісінің IV, V, VI шақырылымдарының депутаты Майра Айсина мәлімдеді.

Оның айтуынша, үміткерлер жыл ішінде өтінім бере алады, комиссия мүшелері сараптама жасап, шешім шығарады.

«Жыл сайын 3 мыңға жуық әйел өтініштерін береді, біз оларға бизнес жобаларды жазуға көмектесеміз, ал грант алғаннан кейін сүйемелдеу көрсетеміз. Қазір 81 әйел жұмыс істеп жатыр, олар 200 жуық жаңа жұмыс орнын ашты. Біз олармен ұдайы байланыста болып, жұмыстарын одан ары жалғастыруға көмектесеміз. Күнделікті хабарласып отырамыз», - деді Айсина.