«Коронавирустық инфекцияны емдеуге және алдын алуға арналған дәрілік заттар мен медициналық мақсаттағы бұйымдар 410 млн теңгеге жеткізілді. «Ремдесивир» дәрілік препараты COVID-19 емдеу схемасына қайта енгізілгендігін ескере отырып, облыс бойынша «Ремдесивир» дәрілік затына 6 820 құтыға қосымша өтінім берілді, ал қазіргі таңдағы қалдығы – 2 577 құты және «Метипред» – 4145 құтыны құрап отыр. Жалпы, медициналық ұйымдарда коронавирус инфекциясын 38 дәрі-дәрмектің 36 түрі бойынша қор жеткілікті», - деді Мадиев.
Сонымен қатар, медициналық ұйымдарда жеке қорғаныш құралдары жеткілікті. Жамбыл облысы ауруханаларының реанимация бөлімшелері медициналық жабдықтармен және оларға шығын материалдарымен жарақтандыруы 87% құрап отыр. Облыс бойынша материалдық-техникалық жарақтандырудың орташа көрсеткіші 85%-ды құрады.
