Иммундау қарқыны ай басынан бастап айтарлықтай өсті. Өңірде медициналық мекемелерде 153 егу пункті ашылды, 14 пункт сауда үйлерінде, кәсіпорындарда және басқа да объектілерде орналасқан. 67 көшпелі бригада, ауылдарда 5 жылжымалы медициналық кешен мен санитарлық автокөлік жұмыс істейді.
«Дәрігер-эпидемиологтардан, қоғам өкілдерінен тұратын 20 ақпараттық топ жұмыс істейді, олар еңбек ұжымдарында, ұйымдарда вакцинациялану қажеттілігі туралы кездесулер өткізеді. Халықтың басым бөлігі - өнеркәсіптік өндіріс қызметкерлері, сондықтан әр кәсіпорында ұжымдық иммунитет қалыптастыру мәселесі біз үшін өте маңызды. Облыстың ең ірі 18 кәсіпорнында 70-тен 95% - ға дейін қызметкер егілді», - деді спикер.
Сонымен қатар, 15 қыркүйектен бастап өңірде тұмауға қарсы иммундау басталды. Науқан барысында 160 мыңнан астам адамды қамтып, вакцинацияны 2,3 есеге арттыру жоспарланған.
