«Өңірде коронавирус инфекциясының таралуына жол бермеу бойынша қолданылып жатқан шараларды ескере отырып, 30 қыркүйекте өңір сары аймаққа өтті. Қазіргі уақытта облыстың медициналық ұйымдарында 447 ӨЖЖ аппараты, оның ішінде 203 - портативті, 244-стационарлық, 34 рентген аппараты, 50 бірлік «Хай Флоу» аппараттары, 15 компьютерлік томография аппараты және 3 МРТ аппараты бар. Сонымен қатар, 100 мыңнан астам шақыртуға қызмет көрсеткен үйде қашықтықтан консультациялық медициналық көмек көрсету үшін МСАК ұйымдарының жанынан 100 мобильді бригада ұйымдастырылды. 8 ауданға арналған YUTONG автобусы базасында отандық өндірістің 8 жылжымалы медициналық кешен сатып алынды. 2020 жылдың соңында 60 бірлік санитарлық автокөлік жеткізілді», - деді спикер.
Өңірдегі эпидемиологиялық ахуал ерекше бақылауда, қажеттілігіне қарай жедел шаралар қолданылуда.
