Біріншіден, онда барлық деңгейдегі елдің қоғамдық кеңестері туралы ақпарат ұсынылған. Құрамы, төрағасы, хатшылары. Айта кетейік, соңғылары сілтемелерді өңдеуге, өз жаңалықтарын, жоспарларын және басқа да қызықты материалдарды орналастыра алады. Кері байланыс ретінде «хат алмасу» техникалық мүмкіндігі жолға қойылған. Көптеген кеңестер қазірдің өзінде осы функцияны пайдаланады.
«Біз халық немесе дайын емес оқырман қоғамдық кеңестердің қызметімен хронологиялық тәртіпте танысуы үшін 2016-2021 жылдар аралығын арнайы жинадық, сондай-ақ порталда халықтың көңіл күйін анықтау немесе өзекті мәселе бойынша азаматтардың пікірін білу үшін шағын жедел сауалнама қарастырылған. Мәселен, өткен жылы « Қоғамдық кеңес мүшелері мәслихаттардың қызметін қайталай ма?» деген сұрақ болды. Сондай-ақ кері байланыс нысандарының бірі ретінде қоғамдық кеңес мүшелеріне жазу мүмкіндігі бар, егер бір нәрсе жұмыс істемесе, порталда өтінім қалдыра аласыз. Жиі қойылатын сұрақтар да бар, пайдаланушы қоғамдық кеңестер мүшелерінің заңға сәйкес қандай құқықтары мен өкілеттіктері, міндеттері бар екенін біле алады. «Құжаттар» бөлімінде баршаға қолжетімді барлық әдістемелік, талдамалық материалдар жиналды, баяндаманы жүктеуге болады, белсенді гиперсілтеме бойынша қолданыстағы заңнамаға, заңдарға немесе қоғамдық кеңестерге қатысты бұйрықтарға өтуге болады», - деп хабарлады спикер.
