«Жаз кезеңмен салыстырғанда коронавируспен науқастарды емдеуге жұмылдырылған стационарлар саны 16-дан 7-ге дейін, ұйымдастырылған төсек-орын саны 4 мыңнан 990 дейін азайды. Бұл эпидемиологиялық жағдайдың тұрақталып келе жатқанының белгісі. 12 қазанда АМСК ұйымдарында 2 573 пациенттер коронавирустық инфекциямен, ықтимал жағдайлармен 16 адам ем алып жүр. Мобильді бригадалар күніне 2 мыңға жуық шақыртуларды жүзеге асырады. Бүгінгі күні қалада 758 бала амбулаториялық және 48 стационарлық ем алуда. Ауыр жағдайлар жоқ», - деді Т.Мұратов.
Ол азаматтарды ковидтік ауруханалар ретінде бейімделген қалалық ауруханаларда жоспарлы госпитализация мен емдеуді тоқтата тұру мәселесі алаңдатқанын, бірақ ауру өршіген кезде бұл қажетті және мәжбүрлі шара болғанын түсіндіріп өтті. 6 қазаннан бастап №2 Көпбейінді қалалық ауруханада тәуліктік және күндізгі стационарларға жоспарлы емдеуге жатқызу қайта басталды. Сондай-ақ, осы аптада шілде айында инфекциялық стационар ретінде бейімделіп, 4 мыңнан астам науқаста емдеп шыққан №1 Көпбейінді қалалық аурухана пациенттерді қайта жоспарлы жұмысын жалғастырады.
