Жоғарғы Сот төменгі органдардың қанша шешімінің күшін жойды? Ақтап шығару, әлде айыптау бойынша үкімдерге көп өзгеріс енгізілді ме? Тараптардың бірі мемлекеттік орган болып табылатын істерде ақтау үкімдерінің саны артып келе ме?
«Егер мемлекеттік органдарға қарсы талап-арыздар туралы айтатын болсақ, 1 шілдеден бастап 9 мыңнан астам талап-арыз келіп түсті, олар бойынша 2 мыңнан астам шешім шығарылды және мемлекеттік органдар 46%-нда жеңілді. Ақтау үкімдеріне келетін болсақ, ағымдағы жылдың алты айында 113 ақтап шығару үкімі шығарылды, оның ішінде 66-ы ауыр және 6-ы аса ауыр қылмыстар бойынша. Яғни, 70-тен астам жағдайда мұндай қылмыс жасады деп айыпталған адамдар кінәсіз деп танылды. Бұл қылмыстық істерді қарау тәсілінің объективтілігін көрсететін айқын көрсеткіш», - деді ҚР Жоғарғы Сотының әкімшілік істер жөніндегі сот алқасының төрағасы Қанат Мусин Орталық коммуникациялар қызметінде журналистің қойған сұрағына берген жауабында.