Жаңа оқу жылының басталуына байланысты денсаулық сақтау министрлігі оқушылар арасындағы сырқаттанушылыққа күнделікті мониторинг жүргізуде.
КВИ-дің 22 021 жағдайы тіркелді. Бұл оқушылардың жалпы санының 0,6%-ын құрайды. 160 мыңнан астам байланыста болған адам анықталды, оның ішінде 1 409 оң нәтиже анықталды. Бұл туралы Орталық коммуникациялар қызметінде өткен брифингте денсаулық сақтау министрі Алексей Цой мәлімдеді.
«Қазан айында қыркүйек айымен салыстырғанда оқушылар арасында сырқаттанушылықтың 1,2 есеге төмендегені байқалады. Бірінші тоқсанда 15 ауысым және 12 304 сынып карантинге жіберілді.
Студенттер арасында 2674 жағдай тіркелді, оның ішінде 1948 орта оқу орындарының студенттері арасында және 726 жағдай жоғары оқу орындарының студенттері арасында, бұл орта оқу орындарындағы білім алушылардың 0,5%-ын және жоғары оқу орындарындағы білім алушылардың 0,1%-ын құрайды», - деді ведомство басшысы.
Брифингтерден хабардар болғыңыз келе ме?
Біздің Telegram каналға жазылыңыз!