«Жыл басында «Қоғамдық кеңестер туралы» Заңға маңызды түзетулер қабылданды, олар осы институттың өкілеттіктерін едәуір кеңейтіп, күшейтті. Жұмыс істеп тұрған 237 Қоғамдық кеңестің қатары тағы 13 квазимемлекеттік сектор субъектісімен толықтырылып, сол арқылы мемлекетті басқару процесіне тартылған азаматтарды 3 мың адамға дейін ұлғайтуда. Егер бұдан былай қоғамдық кеңестер мүшелерінің кемінде 70% - ы ҮЕҰ-дан тұруы тиіс екенін ескеретін болсақ, бұл елдің азаматтық секторының пайдасына жасалған елеулі қадам. Сондай-ақ, Парламентте волонтерлік қызмет, қайырымдылық, мемлекеттік әлеуметтік тапсырыс және ҮЕҰ-ға арналған гранттар саласындағы заңнаманы жетілдіру жөніндегі нормалардан тұратын заң жобасы талқылануда. Сондай-ақ, биыл «Қоғамдық бақылау туралы» жаңа Заң және жақында ҚР Парламенті Мәжілісіне енгізілген онлайн - петициялардың бірыңғай заңды институтын құру бойынша түзетулер әзірленді», - деді спикер.
Сонымен қатар, биыл қолданыстағы бірқатар заңдарды біріктіретін «Коммерциялық емес ұйымдар туралы» Заң жобасы тұжырымдамасының жобасын әзірлеу қолға алынды. Жұмыс тобына беделді үкіметтік емес ұйымдар шеңберінен басқа белгілі сарапшылар-заңгерлер, құқық қорғаушылар, қоғам қайраткерлері кірді. Айта кетейік, бұл құқықтық базаның артында сарапшылар қауымдастығы үздіксіз жүргізіп отырған үлкен ұйымдастырушылық және аналитикалық жұмыс жатыр.
