Оның айтуынша, облыс тұрғындарының спорт инфрақұрылымына қолжетімділігі арттырылуда.
«Үш жылда кем дегенде 12 ірі объекті мен 20 алаң пайдалануға беріледі. Мектеп стадиондарын кешенді абаттандыру жүргізілуде, олар спортпен айналысатындардың барлығына қолжетімді болады. Өңірде барлығы 3091 спорт ғимараты жұмыс істейді. Егер қазір облыс тұрғындарының үштен бірі спортпен тұрақты айналысса, 2025 жылға қарай жартысынан көбі шұғылданады, оның ішінде 40%-ы балалар мен жасөспірімдер болады. Тәуелсіздік жылдары мәдениет объектілерінің саны екі есе артып, 511-ді құрады», - деді өңір басшысы.
Оның атап өтуінше, Павлодар облысының Қазақстан халқы ассамблеясы осы жылдары өңірдегі бейбітшілік пен келісімнің тірегі болып қала береді, 23 этномәдени бірлестіктің өкілдері әрдайым облыстың қоғамдық өмірінің алдыңғы қатарында және оның дамуына баға жетпес үлес қосып келеді. Елбасы құрған институт қазақстандықтардың достығы мен бірлігін нығайтуда негізгі рөлге ие екенін Павлодар өңірі растайды.
