Ақмола облысының билігі тұрғын үй құрылысында «сапалы серпіліс» жасауға ниетті. Бұл туралы өңір басшысы Ермек Маржықпаев Орталық коммуникациялар қызметінде мемлекет басшысының Жолдауын жүзеге асыруға арналған брифингте мәлімдеді. Оның айтуынша, облыста тұрғын үй құрылысы қарқын алуда. Мемлекеттік қолдаудың арқасында облыста Өңірде 72 көппәтерлі үйдің құрылысы жүріп жатыр, оның ішінде 37 жалға берілетін, 33 кредиттік тұрғын үй. Тағы 2 үй Атбасар қаласының су тасқыны қаупі бар аймақтан тұрғындарды көшіру үшін Үкімет резервінің есебінен салынуда. Өткен жылмен салыстырғанда салынып жатқан үйлердің саны 2 есеге жуық өсті.
«Биыл тұрғын үй құрылысы саласында «сапалы серпіліс» жасап, ауданы 655 мың шаршы метр болатын 32 үйді пайдалануға беру жоспарланған, бұл 5 мыңнан астам пәтерді құрайды. Оның ішінде бүгінде 483 мың шаршы метр тұрғын үй пайдалануға берілді, бұл 3,5 мың ақмолалық отбасының өмір сүру жағдайын жақсартуға мүмкіндік берді. Көп балалы және әлеуметтік осал отбасылар – баса назар аударылатын әлеуметтік топ. Қаржыландыруды ескере отырып, 411 жалға берілетін пәтерді, оның ішінде көп балалы отбасылар үшін 131 пәтер бөлу жоспарланып отыр», - деді спикер.
Брифингтерден хабардар болғыңыз келе ме?
Біздің Telegram каналға жазылыңыз!