«Өскелең ұрпақтың спорттық және шығармашылық әлеуетін дамыту мәселесі Мемлекет Басшысы Қасым-Жомарт Кемелұлы Тоқаевтың үнемі назарында тұр. Спорт секциялары мен шығармашылық үйірмелерді жан басына қаржыландыру бойынша барлық қажетті нормативтік-құқықтық актілер қабылданды, арнайы Artsport.edu.kz. порталы құрылды. Мемлекеттік шығармашылық және спорттық тапсырысты іске асыру 2021 жылғы 1 мамырдан басталды. Бүгінгі таңда 4 жастан 17 жасқа дейінгі 283 мыңнан астам балалар мен жасөспірімдер секциялар мен үйірмелерге тегін қатысады, оның ішінде спорт бойынша 150 мыңға жуық адам, шығармашылық бойынша – 133 мыңнан астам адам», - деді ведомство басшысы.
Сонымен қатар, Nur Otan сайлауалды бағдарламасын орындау жөніндегі жол картасы шеңберінде 2025 жылға дейін тірек ауылдарды қамти отырып, балалар – жасөспірімдер – дене шынықтыру клубтарының санын 1000-ға дейін ұлғайту көзделген. Жалпы, 2021 жылдың қорытындысы бойынша республикада 127 763 спорт секциясы жұмыс істейді.
