Қылмыстық-атқару заңнамасын жетілдіру жөніндегі шаралар іске асырылуда.
«Өткен жылы қылмыстық заңнаманы жетілдіру және жеке адамның құқықтарын қорғауды күшейту мәселелері бойынша заң шеңберінде сотталғандардың құқықтық жағдайын жақсартуға бағытталған өзгерістер енгізілді. Үкімет қаулысымен бекітілген адам құқықтары саласындағы бірінші кезектегі шаралар жоспарын іске асыру шеңберінде қылмыстық сот төрелігі, жазаны орындау, азаптаудың және қатыгездіктің алдын алу саласында адам құқықтарын қамтамасыз етуге бағытталған заң жобасы әзірленді. Адам құқықтары жөніндегі уәкілдің бастамасымен ведомствоаралық жұмыс тобы құрылды, оның құрамына ҮЕҰ өкілдері, ұлттық және халықаралық сарапшылар кірді. Олар Нельсон Манделаның ережелерін ұлттық заңнамаға имплементациялауға талдау жүргізді, құқықтық актілерді өзгерту бойынша бірқатар ұсыныстар әзірледі, олар да жақын арада іске асырылатын болады», - деп хабарлады спикер.
Бұл ережелер БҰҰ мақұлдаған тұтқындарға қатысты ең төменгі стандарттарды анықтайды.
