Энергетика министрлігі жергілікті қамтуды дамытуға көп көңіл бөледі. 2021 жылдың қорытындысы бойынша көмірсутек шикізатын жер қойнауын пайдаланушылардың тауарларын, жұмыстары мен қызметтерін сатып алудың және уран өндірудің жалпы көлемі шамамен 6,8 трлн теңгені құрайды. Бұл ретте жергілікті қамту - шамамен 46,5% құрайды. Жергілікті қамтуды одан әрі дамыту бойынша бірқатар шаралар мен бастамалар қолға алынды. Ағымдағы жылы министрліктің бастамасымен Теңізшевройл, Қарашығанақ Петролеум Оперейтинг және Норт Каспиан Оперейтинг Компани консорциумдары мұнай-газ машинасын жасауды дамытудың халықаралық орталығын құрды. Ведомство басшысы Мағзум Мырзағалиевтің айтуынша, орталық жұмысының негізгі мақсаты - жаңа өндірістерді ашу арқылы осы үш кәсіпорын үшін тауарлар өндірісін оқшаулау, сондай-ақ жұмыс істеп тұрған отандық тауар өндірушілердің мүмкіндіктерін кеңейту.
«Қазіргі уақытта операторлардың ұсынысы бойынша жоғары қажеттілікке байланысты орталық үш тауар тобын: тиек арматурасы мен клапандарды); электр техникалық жабдықты; БӨАжА (бақылау-өлшеу аспаптары және автоматика) талдау мен оқшаулауға шоғырланды. Сондай-ақ жақында ғана жергілікті қамтуды дамытудың тікелей инвестициялар қоры құрылды. «Шеврон» компаниясы республика алдындағы өзінің қайта инвестициялау міндеттемелері шеңберінде жергілікті үлесті дамытуға шамамен 250 млн АҚШ бөледі. Инвестициялар технология және IT бағыттары, базалық тауарлар өндірісі және мұнай-газ секторына арналған жабдықтардың жекелеген түрлерін құрастыруға басым түрде тартылады. Қор қазірдің өзінде «Астана» халықаралық қаржы орталығының алаңында тіркелген», - деді министр.
Кәсіпкерлерден өтінімдерді қабылдау 29 желтоқсанда Шеврон тікелей инвестициялар қорының сайтында басталады. Осындай бастамалардың арқасында мұнай-газ саласы тауарлар өндірісінің өз жүйесі құрылады.
Брифингтерден хабардар болғыңыз келе ме?
Біздің Telegram каналға жазылыңыз!