«Егер бұл мәжбүрлі шара деп санасақ, онда жақында енгізілген барлық рәсімдер сақталуы керек. Біз қазіргі уақытта заң жобалау жұмысы дауды сотқа дейін реттеу бөлігінде, қаржылық қызметтерді тұтынушылардың құқықтарын қорғау бөлігінде, оның ішінде соттан тыс тәртіпте де, атқарушылық іс жүргізуде де күшейгенін білеміз. Осы өзгерістердің барлығы күшін сақтап қалуға тиіс және «Банкроттық туралы» заң бұл функцияларды қайталамауға тиіс. Сондықтан біз соттан тыс банкроттық пен сот ісі заңнамада белгіленген барлық рәсімдер аяқталғаннан кейін жасалуы керек деп санаймыз. Борышкерге таңдау құқығын бере отырып, борышкер оның салдары барын түсінуі керек. Ол өзін-өзі шектеуі керек, яғни борышкер өзінің жеке банкроттығы туралы шешім қабылдағандықтан оның шетелге шығуы шектелуі керек. Егер оның қандай да бір қаражаты болса, ол оны қаржы секторы алдындағы ғана емес, сондай-ақ мемлекет алдындағы және басқа да қызметтерді жеткізушілер алдындағы міндеттемелерін өтеуге бағыттауы тиіс. Сондықтан шетелге шығуды шектеу - бұл оған несие беруші қойған емес, борышкер өзі өлшеп, қабылдаған шектеу. Сондықтан осы бөлікте борышкердің шетелге шығуының негіздері тізбесін кеңейтпеуіңізді сұраймыз», - деп атап өтті Рахимов.
Сондай-ақ, ол борышпен мөлшерлес шекті өлшемдерге назар аударып, жалғыз тұрғын үйді алу мәселесін қозғады.
«Ипотекалық несиелендіруді әрбір қазақстандықтың жалғыз баспанасы болуы үшін мемлекеттік құрылымдар ғана емес, сонымен қатар банк құрылымдары да бағыттады. Егер несие берушілер ипотекалық қарызды қамтамасыз ету үшін қабылданған өз кепілдіктерін өндіріп ала алмаса, онда ипотекалық несие беруді тоқтату керек. Өйткені бұл тұрғын үйге инвестицияланған қаражатты қайтару бойынша тетіктер болмайды. Сондықтан осы заң жобасына үйлесімді түрде қарауды сұраймын. Борышкерлердің ғана емес, өндіріп алушы кредиторлардың да мүдделерін ескеру қажет. Өткен жылы біз қабылдаған өзгерістерді қарайық. Біз кепілдік кредиторлардың құқықтарын толығымен шектедік. Екінші деңгейдегі банктердің кепілдіктерін жетілдіру мәселелері бойынша заң қабылданды, ол 12 қаңтарда күшіне енді, бұған дейін борышкерлердің, несие берушілердің және қаржылық қызметтерді тұтынушылардың мүдделерін қорғауға бағытталған бірқатар заң жобалары қабылданды. Сондықтан осы ұсыныстар мен алаңдаушылықтарды ескеруді сұраймыз. Сондай-ақ, 1 шілдеден бастап банктерге 90 күн өткеннен кейін сыйақы алуға тыйым салатын норма күшіне енетінін еске саламын. Бұл да қаржылық қызметтерді тұтынушылардың құқықтарын қорғауға бағытталған шара. Бұл жағдайда заң шығарушы қабылдаған барлық шаралар жаңа заңмен кедергі болмағанын, банкроттықтың шынымен де төтенше және мәжбүрлі шара болғанын және өндіріп алушылар мен борышкерлердің мүдделерін ескергенін қалаймыз», - деді қауымдастық өкілі әріптестерінің атынан сөйлеген сөзінде.
