«Заңға жайылым жерлерді басқару жоспары енгізілген. Сол жоспар бойынша жергілікті атқарушы органдармен бірлесіп жұмыс істеп жатырмыз. Жайылым мәселесі өте өзекті. Қазіргі кезде жайылым арқылы жайлауға шығу, инфрақұрылым салу жолдары қарастырылуда. Үкіметтік комиссия ай сайын осы мәселелерді көтеріп, жеке тапсырмалар беріледі. Талапқа сай жоспар құрылады. Сол бойынша жұмыстар жүргізілуде. Көктемге дейін бірқатар мәселе шешіледі. Бұл жағдай әрдайым біздің бақылауымызда», - деді АШМ өкілі өз жауабында.
Жалпы, АШМ мәліметінше, 2018 жылдан бастап Қазақстанда ауыл шаруашылық мақсаттағы пайдаланылмай жатқан 5 млн га жер анықталды. Оның ішінде, 2,7 млн га мемлекет меншігіне қайтарылды және 4,1 млн га тиісті іс шаралар жүргізу қорытындысы бойынша, бұрынғы жер пайдаланушылар мен жер иеленушілермен қайтып айналымға енгізілген.
