Ұсталғандарды азаптау фактілері бойынша тергеу жалғасуда. Прокуратураға тергеудің рұқсат етілмеген әдістеріне барлығы 301 шағым түсті. Еліміздің Бас прокурорының айтуынша, азаптау және билікті асыра пайдалану бойынша 243 қылмыстық іс қозғалған. Сыбайлас жемқорлыққа қарсы қызметте 234 қылмыстық іс бар. Бұл олардың қылмыстық іс жүргізу кодексі бойынша тікелей тергеулігі, - деп атап өтті Берік Асылов.
«Уақытша ұстау изоляторларында адамдардың қаза болғаны туралы 9 аса резонансты жағдайды арнайы прокурорлар тергеуде. Аталған істер аясында 9 лауазымды тұлға, оның ішінде 8 ҰҚКД қызметкері және бір полиция қызметкері ұсталды. Олардың барлығы сот санкциясымен қамауға алынды. Оның қатарында Алматы облысы полиция департаментінің ғимаратында үтік қолданып азаптауға күдікті полицей бар. Алматы қаласында ҰҚКД-ның алты қызметкері «Дикий Арман» қылмыстық тобы ұрлап кеткен 24 азаматқа қатысты азаптаулар қолданды деген күдікке ілінді. Нәтижесінде барлық жәбірленушілер дене жарақатын алып, бір адам қайтыс болды. Алматы облысы ҰҚКД - ның тағы екі қызметкері бұрын уақытша ұстау изоляторында қайтыс болған ұсталған адамды ұрып-соққан деп күдіктелуде», - деп баяндады қадағалау органының басшысы.
Брифингтерден хабардар болғыңыз келе ме?
Біздің Telegram каналға жазылыңыз!