«Президент өткен жылы «Жаңа Қазақстан» ұлттық бағдарламасын бекітті. Тармақтардың бірі эмиссияларды төмендету болып табылады. Жоғарыда аталған 10 ластанған қалада орналасқан 16 ірі компания 20-30% - ға дейін ластануды азайтады деп ойлаймыз. Бұл шараларға компаниялар өз қаражатынан кәсіпорындарды экологияландыруға 167 млрд теңге қарастырды. Халықты алаңдататын үлкен проблемалардың бірі - стихиялық полигондар. Қазір ғарыштық мониторингпен бақылау жүзеге асырылып жатыр. Өткен жылы 7 мыңнан астам стихиялық қоқыс орындары анықталды, олардың 89%-ы жойылды. Қызылорда, Атырау облыстарында, Алматы мен Шымкентте жергілікті билік органдарының күшімен полигондар толығымен жойылды деп айтуға болады. Министрлікте жедел желі құрылды. 479 өтініш келіп түсті, оның 54%-ы стихиялық үйінділерге қатысты. Халықты қалдықтар мен ТҚҚ жағдайы алаңдатады. Айта кетейік, бұл жүйелік мәселе емес, бұл - салдармен күрес. Осы мәселелерді жүйелі түрде шешу үшін бірқатар шаралар қолға алынды. Біріншіден, ішкі істер министрлігін тартып, табиғи қоқыстардың пайда болуына жол бермеу туралы бірлескен бұйрық шығарылды, жаңа экологиялық кодексте қауіпті қалдықтарды қайта өңдеу лицензиялар санатына ауыстырылды. Қалдықтарды қайта өңдеумен кім айналысатынын нақты білетін боламыз. Шамамен 68 лицензия берілді. Қоқыс шығаратын кәсіпорындардың тізілімі жасалды. Олар GPS-пен жабдықталуы тиіс», - деп атап өтті спикер.
2021 жылы ҚТҚ қалдықтарын қайта өңдеу үлесі 21%-ға дейін, өнеркәсіптік қалдықтар бойынша 38,2%-ға дейін ұлғайды. Міндет - оларды кәдеге жарату үлесін 24%-ға дейін, ал өнеркәсіптік үлесті 40%-ға дейін арттыру. 134 қала мен ауданда қалдықтарды бөлек жинау енгізілді, бұл 65%-ды құрады, ал 96 елді мекенде сұрыптау енгізілді. Қалдықтармен айналысатын 205 ұйым тіркелген. Тарихи ластану проблемаларын шешу бойынша да жұмыстар жүргізілуде. ПХД қауіпті қалдықтарын және құрамында тұрақты органикалық ластаушы заттары бар қалдықтарды жою жөніндегі қондырғылар Қазақстанға БҰҰ-дан (ЮНИДО) өтеусіз негізде беріледі, биыл жабдықтар жеткізілмек. 2021 жылдан бастап «Қошқар Ата» қалдық қоймасын қалпына келтіру бойынша жоба іске асырылуда.
