Журналистер клубы этносаралық, қоғамдық келісім мен азаматтық бірлікті сақтауда БАҚ-тың күш-жігерін біріктіруге ықпал ететін тұрақты консультативтік-сарапшылық алаң
Қазақстан халқы Ассамблеясы жанындағы тағы бір қоғамдық құрылым – Ассамблеяның Журналистер клубы. Этносаралық қатынастар саласындағы Журналистер мен сарапшылар клубы 2009 жылы құрылған. Бұл – толеранттылықты нығайту, этносаралық, қоғамдық келісім мен азаматтық бірлікті сақтауда бұқаралық ақпарат құралдарының күш-жігерін біріктіруге ықпал ететін тұрақты консультативтік-сарапшылық алаң.
«Оның құрамына этносаралық мәселелер тақырыбына қалам тартатын республикалық және өңірлік БАҚ өкілдері, сондай-ақ этносаралық қатынастар саласындағы сарапшылар кіреді. Клубтың ұйымдастыруымен жыл сайын «Шаңырақ» шығармашылық байқауы өткізіледі», - деді «Қоғамдық келісім» РММ директоры Орталық коммуникациялар қызметі алаңында өткен брифингте.
Мемлекет басшысының «Жаңа Қазақстан: жаңару мен жаңғыру жолы» Жолдауының міндеттері Қазақстан халқы Ассамблеясының қоғамдық құрылымдарының басты назарында. Қоғамдық құрылымдардың зор әлеуетін жаңа Қазақстанның жаңа мүмкіндіктерінде тиімді қолдануға болады.
Брифингтерден хабардар болғыңыз келе ме?
Біздің Telegram каналға жазылыңыз!