Сонымен қатар, саланың тұрақты жұмыс істеуі үшін Мемлекет басшысының тапсырмасы бойынша республикалық бюджетті нақтылау кезінде 139 млрд теңге көлемінде қосымша субсидиялар бөлу мәселесі пысықталуда, олар өткен жылы пайда болған берешекті өтеуге бағытталады, сондай-ақ ауыл шаруашылығы өнімін өндіру кезінде пайдаланылатын ресурстарға бағаның артуының салдарын жояды.
«Бұдан басқа, көкөністер мен қант қызылшасын өндіру бойынша инвестициялық жобаларды іске асыру үшін суарудың заманауи жүйелерін сатып алуға және қажетті инфрақұрылымды жүргізуге қосымша 8,3 млрд теңге бағытталады. Сондай-ақ, өз бизнесін ашу және ісін жаңа бастаған кәсіпкерлердің қызметін кеңейту мақсатында ауыл халқының табысын арттыру жөніндегі жобаны масштабтау шеңберінде ауылдық елді мекендер мен шағын қалалардың тұрғындарына шағын кредит беруге 40 млрд теңге бөлу жоспарлануда, бұл кемінде 8 000 мың жұмыс орнын құруға мүмкіндік береді. Сыбайлас жемқорлық көріністерін болдырмау, сондай-ақ мемлекеттік қолдау шараларын алу кезінде ашықтықты қамтамасыз ету үшін бірыңғай мемлекеттік ақпараттық субсидиялау жүйесі әзірленді. Ол фермерлер үшін тегін болады және барлық негізгі мемлекеттік дерекқорлармен біріктіріледі. Жүйенің барлық іс-қимылдары автоматтандырылады, бұл субсидияларды бөлу және беру кезінде сыбайлас жемқорлық тәуекелдерін барынша азайтуға мүмкіндік береді», - деді ведомство басшысы.
Жүйе Ақмола облысында пилоттық тестілеуден өтті, қазіргі кезде жүйені пысықтау бойынша жұмыстар аяқталуда.
