«Қазақстан Республикасының аумағына ақ қант пен құрақ қанты шикізатын әкелудің кейбір мәселелері туралы» Қазақстан Республикасы Ауыл шаруашылығы министрінің 2022 жылғы 22 ақпандағы № 47 бұйрығына (бұдан әрі-бұйрық) сәйкес ҚР Ауыл шаруашылығы министрлігімен тек ішкі нарықта өткізуге немесе құрамында қанты бар өнімдер өндіруге арналған ақ қантты (ЕАЭО СЭҚ ТН коды 1701 99 100) және өнеркәсіптік өңдеуге арналған құрақ қанты шикізатын (ЕАЭО СЭҚ ТН кодтары 1701 13, 1701 14) Қазақстан Республикасының аумағына әкелуге арналған квоталардың бөлінбеген көлемдерін 2022 жылдың 15 сәуірінен 31 тамызына дейінгі кезеңге ішкі тұтыну үшін шығарудың кедендік рәсімінде кедендік баждарды төлемей 124998,4 тоннадан аспайтын жиынтық көлемде бөлу үшін өтінімдерді қабылдау жүзеге асырылуда.
Өтінімдерді қабылдаудың басталу және аяқталу уақыты:
2022 жылғы 13 сәуір сағат 9.00-ден 2022 жылғы 22 сәуір сағат 18.30-ға дейін.
Өкілеттігін растайтын тиісті құжат негізінде өтініш берушінің бірінші басшысы не уәкілетті тұлға қол қойған өтінім және өтінімге қоса берілетін құжаттар уәкілетті органның кеңсесі (Нұр-сұлтан қаласы, Мәңгілік Ел даңғылы, 8, Министрліктер Үйі, 2-кіреберіс) арқылы қолма-қол немесе уәкілетті орган кеңсесінің оffice@minagri.gov.kz электрондық мекенжайына PDF форматында электрондық түрде ұсынылады.
Өтінімді жібергеннен кейін өтінім қабылданғаны және тіркелгені туралы
8 (7172) 555-763 телефоны бойынша нақтылау қажет.
Өтінімде ұсынылған құжаттардың толық еместігі және (немесе) құжаттардың бұйрық талаптарына сәйкес келмейтіндігі анықталған жағдайда хабарлама жіберу үшін өтініш берушінің электрондық мекенжайын міндетті түрде көрсету қажет.
Құжат нысандарын жүктеу сілтемесі:
