Референдум өткізудің өзі Қазақстанның тікелей ішкі ісі болғанына қарамастан, геосаяси турбуленттілікті және ұлттық мүдделер теңгерімін сақтауды ескеру қажет. Президент Тоқаев өзінің қазақстандықтарға үндеуінде барынша ашық және айқын айтады. Оны іске асырылып жатқан реформалардың мәтінін, олардың дәйектілігін оқысақ, байқаймыз. Ұсынылып отырған өзгерістердің мазмұны Қазақстан ішіндегі векторды өзгертуге және қазақстандықтардың саяси белсенділігін арттыруға бағытталған. Референдумға қойылатын және билікті орталықсыздандыруға бағытталған реформалар қазақстандықтардың елді басқаруға көбірек қатысуы есебінен мемлекеттің орнықтылығын арттыруға мүмкіндік береді. Орталық Азиядағы кәсіби саяси кеңесшілер қауымдастығы өкілдігінің жетекшісі, Rezonans. Asia шеф-редакторы Ассоль Мирманованың пікірінше, бұл атқарушы биліктің халықтың өзгеріп жатқан сұраныстарына жедел, ал кейбір жағдайларда превентивті реакциясын қамтамасыз етеді. Бұл туралы сарапшы Орталық коммуникациялар қызметінде өткен кездесу барысында айтты.
«Демократияның пионерлері» кітабының тең авторы ретінде мен референдумның мақсаттарымен толық келіемін және еліміздегі демократиялық қайта құрудың өмірлік маңызды екендігін мәлімдеймін. Қазақстан азаматы ретінде ұлттық мүдделерді іске асыруды көршілеріміздің негізгі саяси ұстанымдары мен іс-қимыл стратегиясын ескере отырып жүргізу керек екенін түсінемін. Менің батыстағы әріптестерім Қазақстанды саяси шешімдерде демократияның жеткіліксіздігі үшін жиі сынға алды, өйткені олардың өз көзқарасы бар, олар біздің құндылықтар жүйесін, сауда-экономикалық байланыстарды ескермейді, географиялық ерекшеліктерімізді түсінбейді, әсіресе, ел аумағы мен шекараның ұзындығын ескермейді. Егер барлық «шлюзді» бірден ашсақ, онда «тұншығып кету» қаупі бар. Біртіндеп қозғалу керек. Біз әр қадам сайын барлық азаматтарымыз үшін лайықты өмір сапасын қамтамасыз ете аламыз. Ол үшін 5 маусымда өтетін референдумға дейін ғана емес, одан кейін де Қазақстанның болашағына жауапты тұрғыдан дәйекті болып қалу қажет. Ең бастысы - босаңсытып кетпеу, және биліктің босаңсуына жол бермеу», - деп атап өтті сарапшы.
Брифингтерден хабардар болғыңыз келе ме?
Біздің Telegram каналға жазылыңыз!