«Барлық дауыс беру учаскелерінде Қазақстан Республикасының президенттік және парламенттік сайлауын өткізуге бірнеше рет қатысқан өте тәжірибелі мамандар тағайындалды. Сондай-ақ, халықаралық топ атынан 10-ға жуық дауыс беру учаскесінде дауыс беру процесін өткізу кезінде референдумның, халықтың дауыс беруінің нормалары мен қағидаларын бұзушылық тіркелмегенін айтқым келеді», - деп атап өтті спикер.
Сондай-ақ Баротзода Барот Файзулло Қазақстанның Сыртқы істер министрлігі мен парламенттің қос палатасының басшылығына топ мүшелерінің республикалық референдумда халықаралық бақылау жүргізуін және болуын қамтамасыз еткені, шараның жоғары деңгейде ұйымдастырылғаны үшін өз алғысын білдірді.
