Конституциялық сот тиісті конституциялық заң қабылданбай, азаматтардың шағымдарын қарай алмайды. Сондай-ақ, Конституциялық кеңес қолданып жүрген нормативтік қаулылар конституциялық сот оларды қайта қарағанға дейін Конституцияға қайшы келмейтін бөлігінде қолданылады. Бұл туралы Орталық коммуникациялар қызметі алаңында ҚР Әділет вице-министрі Алма Мұқанова мәлімдеді.
«Конституциялық кеңестің бір функциясы – нормативтік қаулыларды қабылдау. Енді Конституциялық сот құрылады. Егер ол бұрын қабылданған конституциялық қаулыларды өзгертпек босла, бұл Констиутциялық сот құрылғаннан кейін ғана жүзеге асырылады. Сонымен қатар, ҚР Парламенті палаталарын құру туралы ережесі VIII шақырылымдағы Мәжіліс депутаттарын сайлаудан бастап қолданылатын болады. Жетінші шақырылмдағы депутаттар 2026 жылдың І жартыжылдығының соңына дейін өз қызметтерін жалғастырады», - деді әділет вице-министрі .
Брифингтерден хабардар болғыңыз келе ме?
Біздің Telegram каналға жазылыңыз!