«Бекіре-2022» акциясы барысында Балық инспекциясы шамамен 4 тонна балық, оның ішінде 154 кг бекіре тұқымдас балық түрлерін, 229 балық аулау құралдарын, 10 жүзу және 3 көлік құралын заңсыз айналымнан алды. Бұл туралы Орталық коммуникациялар қызметі алаңында ҚР ЭГТРМ Балық шаруашылығы комитеті төрағасының орынбасары Аян Бахиянов мәлімдеді.
Спикер ғылыми ұйымдардың мәліметіне сәйкес бекіре тұқымдас балықтардың Жайық өзені бойынша көтеріліп, Батыс Қазақстан облысы шегінде байқалғанын атап өтті. «Акция қорытындысы бекіре мен басқа да балық түрлерінің жетілген дарақтарының уылдырық шашатын жерлерге көшуін қамтамасыз ету бойынша бірлескен іс-шараларды өткізудің тиімділігін көрсетті. Осыған байланысты құқық қорғау және табиғат қорғау органдарымен тығыз өзара іс-қимыл жалғасын табады» - деді А.Бахиянов.
Брифингтерден хабардар болғыңыз келе ме?
Біздің Telegram каналға жазылыңыз!