Ашхабадта Каспий маңы мемлекеттерінің алтыншы саммиті басталды.
Саммит күн тәртібінің негізгі мәселелерінің бірі Каспийдің құқықтық мәртебесі туралы Конвенцияның күшіне енуі болып табылады.
Іс-шара барысында Каспий өңіріндегі көпжақты ынтымақтастықтың стратегиялық сипаты, сондай-ақ Каспий теңізінің құқықтық мәртебесі туралы конвенцияда бекітілген өзара іс-қимыл қағидаттарына адалдық расталады деп болжануда.
Саммит қорытындысы бойынша ынтымақтастықты одан әрі дамыту жөніндегі "бестіктің" келісілген ұстанымдары баяндалған коммюнике қабылдау жоспарлануда.
Күн тәртібіндегі маңызды мәселелердің бірі-Иранның (Келісімнің басқа елдері осы құжатты бекітті) ратификациялауы және Каспийдің құқықтық мәртебесі туралы Конвенцияның күшіне енуі.
Каспий теңізінің құқықтық мәртебесін ресімдеудің көпжылдық келіссөз процесі 1996 жылғы қарашада Ашхабадта Каспий маңы мемлекеттерінің Сыртқы істер министрлерінің бірінші кездесуінде басталды.
Каспий саммиттерін өткізудің негізі 2002 жылы Түрікменстанда қаланды, онда бірінші саммит өтті. Сол кезде дайындалған құжатта Каспийдің құқықтық мәртебесі, теңіздегі қауіпсіздік және басқа да мәселелер бойынша жағалаудағы мемлекеттердің алдын ала саяси уағдаластықтары бекітілді.
Екінші Каспий саммиті 2007 жылы Тегеранда, үшінші саммиті 2010 жылы Бакуде, төртінші саммиті 2014 жылы Астраханьда, бесінші саммиті 2018 жылы Ақтауда өтті.
