Маңғыстау облысында тұтынылатын азық-түлік өнімдерінің 84 пайызы сырттан әкелінеді, қалған 16 пайызын облыс өзін-өзі қамтамасыз етеді. Ерте пісетін көкөністер Иран, Әзірбайжан, Өзбекстан, Түркменстан және Пәкістан елдерінен жеткізіледі. Бұған қоса, Түркістан, Жамбыл, Павлодар облыстарының кәсіпкерлерімен меморандумдар жасалған. Бұл азық-түлік бағасының себепсіз күрт қымбаттамауына септігін тигізеді. Бұл туралы Орталық коммуникациялар қызметі алаңында өңір басшысы Нұрлан Ноғаев хабарлады.
«Облыста әлеуметтік маңызы бар тауарларға тұрақтандыру қоры қалыптастырылды. Жалпы 3 жылдың ішінде 3,3 млрд теңге жұмсалды. Биыл бұл мақсатта 1,5 млрд теңге бөлінді. Өңірлік тұрақтандыру қорында әлеуметтік маңызы бар азық-түлік өнімдерінің 16 түрі бойынша 5,5 мың тонна қоры жасақталды. Қазіргі уақытта Мемлекет басшысының тапсырмасына орай жеке инвесторлар есебінен Ақтау қаласында коммуналдық базары мен көтерме тарату орталығы құрылысы басталды, жобалар 2024 жылы іске қосылады», - деді облыс әкімі.
Брифингтерден хабардар болғыңыз келе ме?
Біздің Telegram каналға жазылыңыз!