«Қордан берілетін көмек келесі санаттағы оқушыларға бағытталған: мемлекеттік атаулы әлеуметтік көмек алатын отбасының балаларына, мемлекеттік әлеуметтік көмек алмайтын, бірақ табысы жан басына шаққандағы ең төменгі күнкөріс деңгейіне жетпейтін отбасылардың балаларына, жетім және ата-анасының қамқорлығынсыз қалған балаларға, оқыс жағдайда ұшыраған жедел көмекке зәру отбасының балаларына, білім мекемесі анықтайтын өзге де санаттағы балаларға. Сонымен қатар Үкімет қаулысына өзгерістер енгізіліп, қаражат ата-аналардың карт шотына аударылатын болды. Сондай-ақ ең төменгі күнкөріс деңгейінен төмен емес мөлшерде киім, аяқ киім, мектепке керек-жарақтар сатып алу үшін әрбір білім алушыға ең төменгі қаражат көлемі айқындалды. Биыл өткен жылға қарағанда 3 есе артық қаржы белгіленді. Былтыр мөлшерлік сома 17 мыңды құраса, биылдан бастап 37 мыңнан басталады», - деді спикер.
