– Жаңа, 91-ші шығармашылық маусым театрымыздың 90 жылдығымен байланысты және бізде көптеген жаңалықтар болады. Театр – бұл халықпен бірге өмір сүретін және өсетін тірі организм. Сондықтан биыл маусымды ұлт көшбасшылары, "Алаш" қайраткерлері туралы және халыққа қызмет ету туралы баяндайтын "Ұлтқа қызмет" спектаклімен аштық, – дейді Құрман Қалымов.
Жаңа шығармашылық маусымда көрермендер үшін премьералар дайындалады, сондай-ақ театр халықаралық және республикалық фестивальдерге қатысып, Алматыға гастрольге барады.
– 20–24 қыркүйек аралығында Маңғыстау облысының Ақтау қаласында Әбіш Кекілбаев атындағы Халықаралық театр фестивалі өтеді. Біз сол фестивальге барамыз. Өткен жылы Ласло Дюрконың "Менің махаббатым Электра" пьесасын қойдық. Әбіш Кекілбаев оны қазақ тіліне аударған. Біздің спектакль "Сын шын болсын" театр фестивалінің бас жүлдесіне ие болса, театр актрисасы Амира Омарова "Үздік әйел рөлі" номинациясын жеңіп алды. Фестивальге осы қойылымды алып барамыз. Сондай-ақ, 19–23 қазан аралығында Нұр-Сұлтан қаласында Шолпан Жандарбекованың туғанына 100 жыл толуына арналған республикалық театр фестивалі өтеді. Біз оған "Текебұрқақ" пластикалық морфозымен қатысамыз. Қазір фестивальдерге дайындық жүріп жатыр, – деді театр басшысы.
Ал 5–9 қазан аралығында Алматы қаласында гастрольдер өтеді.
– Ғ. Мүсірепов атындағы балалар мен жасөспірімдер театрының сахнасында өнер көрсетеміз. Алматылықтарға "Ұлтқа қызмет", "Текебұрқақ", "Айналайын" атты үш спектакль және Еркін Жуасбековтың "Үйлену" музыкалық комедиясын көрсетеміз. Өткен жылдан бастап біз музыкалық жанрларға көшуді бастадық, өйткені біз театр актерлерінің жан-жақты болғанын қалаймыз. Бізде өз оркестріміз жоқ, бірақ сүйемелдеу үшін Тәттімбет атындағы оркестрдің алты әртісін алдық. "Үйлену" комедиясының премьерасы бізде 1 және 2 қазанда өтеді. Содан кейін біз қараша айының бірінші жартысында театрымыздың мерейтойын атап өтеміз, – деп жоспарларымен бөлісті Құрман Қалымов.
Сондай-ақ, ол өткен театр маусымын қорытындылады.
– Біз белгілі бір жетістіктерге жеттік, Мәскеуден Вахтангов атындағы театрмен жұмыс жасадық. Сол жерден жарық бойынша суретші, режиссер, балетмейстер, композитор шақырылып, олармен бірге "Қарагөз" трагедиясын сахналадық. Мүмкіндігінше әрі қарай да біздің актерлермен ынтымақтастық үшін режиссерлер мен балетмейстерлерді шақырамыз, – дейді Сәкен Сейфуллин театрының директоры. – Сондай-ақ, өткен маусымда Айдын Салбановтың "Ойлар оянғанда" ертегісін қойдық, бұл нағыз қуыршақ театры. Енді жылына екі спектакль қоямыз. Біз театрымыздың жан-жақты болғанын қалаймыз.
