«АҚШ пен Қазақстан арасындағы өзара іс-қимылға келетін болсақ, Тәуелсіздік алған күннен бастап барлық кезеңде саяси, экономикалық және гуманитарлық салаларда өте жақсы қарым-қатынас қалыптасты. АҚШ-пен қарым-қатынасты ең алдымен ұлттық мүддеміз мақсатында дамытамыз. Біздің барлық шетелдік серіктестеріміздің ішіндегі ең үлкен инвестициялар – бұл америкалық инвестициялар. Отандық нарықта көптеген негізгі трансұлттық корпорациялар бар. Біздің арамызда білім беру саласындағы ынтымақтастық та жақсы дамып келеді», - деді Еркін Тұқымов.
Спикер Америка Құрама Штаттары жаңа технологияларға ие жетекші жаһандық держава болғанын және болып қала беретініне назар аударды. Сондықтан елімізде технологиялық компаниялардың өкілдіктерін ашу, шикізаттық емес салаға инвестициялар тарту маңызды екенін атап өтті.
«АҚШ-пен саяси қатынастарды дамыту мәселелерінде жоғары деңгейдегі сапарлар екіжақты қатынастар сапасын жақсартуға ықпал етуі тиіс деп ойлаймын. Бізге қарым-қатынастарымызды жаңа, неғұрлым жоғары деңгейге шығаруға тырысу қажет. Екі ел арасындағы стратегиялық қатынастарды дамыту керек. Меніңше, бұл біз үшін де, Америка Құрама Штаттары үшін де маңызды», - деді ҚСЗИ басшысы.
