Резидент еместерге ЖСН беру еңбек шарттарын жасасу, қаражат алу, қызмет көрсету, әкімшілік жауапкершілікке тарту, салық есептілігі және әртүрлі банктік және басқа да операцияларды жүргізу мақсатында талап етіледі. Сондықтан кез келген резидент емес - басқа мемлекеттің азаматы үшін - ЖСН алу барлығына бірдей. Бұл туралы ҚР цифрлық даму, инновациялар және аэроғарыш өнеркәсібі вице-министрі Әсет Тұрысов Ресей азаматтарының Қазақстанға келуіне байланысты халыққа қызмет көрсету орталықтарындағы жағдай бойынша Орталық коммуникациялар қызметі алаңында мәлімдеді.
«Кез келген шетел азаматы жеке басын куәландыратын құжатпен, яғни паспортпен келуі тиіс. Паспортта кириллица немесе латын әріптері болмаған жағдайда, паспорттың нотариалды куәландырылған аудармасы қажет. Бүгінде шетелдіктер мен азаматтығы жоқ адамдарға ЖСН қалыптастыру бойынша бұл қызмет «Азаматтарға арналған үкімет» мемлекеттік корпорациясы арқылы көрсетіледі. Бұл – халыққа қызмет көрсету орталықтары. ЖСН дайындау мерзімі - бір жұмыс күні», - деді спикер.
Брифингтерден хабардар болғыңыз келе ме?
Біздің Telegram каналға жазылыңыз!