Ауыл шаруашылығы министрлігі Жер ресурстарын басқару комитетінің республика бойынша аумақтық бөлімшелері 2,7 млн га алаңға жер пайдаланушыларға қатысты 1 077 жоспардан тыс тексеруді тіркеді, нәтижесінде 1,9 млн га алаңға 732 ұйғарым енгізілді; 306,2 мың га алаң бойынша 107 материал сот органдарының қарауында жатыр. Тиісті шаралар қабылданғаннан кейін 1,3 млн гектар ауыл шаруашылығы жерлері игеріле бастады. Сонымен қатар қабылданған шешімдердің заңдылығына 140 жоспардан тыс тексеру жүргізілді, нәтижесінде жер заңнамасын бұзушылықтарды жою туралы 101 нұсқама берілді. Орталық коммуникациялар қызметі алаңында ведомство басшысы Ербол Қарашөкеев осындай деректерді келтірді.
«Жалпы, бүгінгі таңда мемлекетке 3,84 млн га пайдаланылмайтын жер қайтарылды, 2023 жылдың соңына дейін 10 млн га пайдаланылмайтын жерлер қайтарылады. Алайда осы көлемді жұмысты орындау үшін қосымша 200 штат бірлігін бөле отырып, жер инспекциясын нығайту, сондай-ақ пайдаланылмайтын жерлерді анықтау бойынша мониторингті жүзеге асыру функцияларын олар тиісінше орындамаған жағдайда, аудан әкімдерінің және облыстар әкімдерінің жер қатынастарына жетекшілік ететін орынбасарларының жауапкершілігін күшейту ұсынылып отыр», - деді спикер.
Брифингтерден хабардар болғыңыз келе ме?
Біздің Telegram каналға жазылыңыз!