Конгресс алаңы бизнес өкілдерін, халықаралық сарапшыларды, университеттерді, ғылыми-зерттеу институттарын және Еуразиялық экономикалық одақ елдерінің бейінді ведомстволарын біріктірді. Форумның басты тақырыбы Еуразиялық экономикалық кеңістіктің бірыңғай құрылыс нарығын құру мәселелері, оның қазіргі жағдайы мен даму перспективалары, сондай-ақ бүгінгі күні сала өкілдерінің алдында тұрған сын-қатерлер болды.
Іс-шараға қатысушыларға арнаған сөзінде ЕЭК экономика және қаржы саясаты жөніндегі министрі Бақытжан Сағынтаев құрылыс қызметтерінің бірыңғай нарығының толық ауқымды жұмыс істеуі индустрияның серпінді дамуына ықпал ететінін, бәсекеге қабілеттіліктің артуына және нарықтың өсуіне әкелетінін атап өтті. Бірыңғай нарықты қалыптастыру нарыққа қатысушылар арасындағы құрылыс саласындағы қолданыстағы шектеулерді жоюға мүмкіндік береді, оның ішінде қосымша рәсімдер жүргізбестен рұқсат құжаттары мен біліктіліктерін тануға мүмкіндік береді және ЕАЭО-ның бүкіл кеңістігінде қызметтерді кедергісіз ұсыну мүмкіндігін қамтамасыз етеді. Бүгінгі таңда құрылыс жұмыстары мен жобалау қызметтерінің 83 түрі бірыңғай нарық пішіміне ауыстырылды және бұл тізім үнемі толықтырылуда.
Бұл ретте форумға қатысушылар бірыңғай құрылыс нарығының тиімді жұмыс істеуін қамтамасыз ету үшін мемлекеттік институттар, бизнес, ғылыми және білім беру секторлары, сондай-ақ ЕАЭО-ға мүше елдердің реттеуші органдары арасындағы ынтымақтастықтың маңыздылығын атап өтті.
Ломоносов атындағы ММУ экономика факультеті деканының кеңесшісі Елена Тищенко атап өткендей, бірыңғай нарық кеңістігінде стандарттарды үйлестіру құрылыста ақпараттық модельдеу технологиясын қолдануды қоса алғанда, кадрларды даярлауға, материалдарға, өндірісте және ҒЗТКЖ саласында операциялық тізбектерді құруға қойылатын талаптарды үйлестіруге мүмкіндік береді.
Технологияларды дамыту және құрылыс компанияларының жаңа технологиялық шешімдерді қолдануы өз кезегінде энергия тиімділігі, сейсмикаға төзімді құрылыс және цифрлық модельдеу технологияларын пайдалану саласындағы жаңа нормативтер мен реттеуші актілерді әзірлеу қажеттілігін талап етеді.
«ҚИКҰҚ пен «ҚазҚСҒЗИ» АҚ бұрыннан бері табысты жұмыс істеп келе жатыр. Біздің ынтымақтастығымыз 2019 жылы цифрландыру жөніндегі келісімге қол қоюдан басталды. Өздеріңіз білетіндей, «ҚазҚСҒЗИ» АҚ ҚОАМТ (BIM технологиялары) стандарттарының әзірлеушісі болып табылады. Сонымен қатар, біз мамандарды оқыту және сертификаттау бағыты бойынша белсенді түрде бірлесіп жұмыс істейміз. Жақында біз Қазақстан Республикасының астанасындағы «Астана» АХҚО алаңында ЕИҚФ коммерциялық емес бірлестігін тіркеуге бірлескен өтінім бердік», – деп айтып берді ҚИКҰҚ бас директоры Ольга Кубанская.
Бірінші Еуразиялық құрылыс конгресі ҚИКҰҚ, «ҚазҚСҒЗИ» АҚ, Беларусь Республикасының Құрылысшылар Одағы (БРҚО) және Тәжікстанның Құрылыс салушылар Қауымдастығы (ТҚҚ, Тәжікстан) арасындағы ынтымақтастық туралы келісімдерге қол қоюмен аяқталды. Келісімдер тараптардың Еуразиялық инженер-құрылысшылар федерациясын (ЕИҚФ) ЕАЭО кеңістігінде және Үлкен Еуразияның басқа елдерінде дамыту және ілгерілету жөніндегі бірлескен жұмысын көздейді.
«Біз Беларусь Республикасының Құрылысшылар Одағы мен Тәжікстанның Құрылыс салушылар Қауымдастығын біздің қатарымызда қарсы алуға қуаныштымыз және олардың күш-жігері бізге алға қойған мақсаттарға жетуге көмектеседі деп үміттенеміз», – деп атап өтті «ҚазҚСҒЗИ» АҚ бас директоры Бегман Бахитов.
