Биыл Астанада тұңғыш Азиядағы өзара іс-қимыл және сенім шаралары жөніндегі кеңесінің саммиті өтті. Бұл - тарихи оқиға. Шара Азия кеңесінің құрылуының 30 жылдығымен тұспа-тұс келді. Оған ұйымға мүше мемлекеттер, төрағалықты бақылаушылар, төрағалықтың қонақтары, жалпы саны 50-ден астам делегация қатысты. Оның 12-сі мемлекет және үкімет басшылары деңгейінде болды. Бұл туралы Орталық коммуникациялар қызметінде АӨСШК Бас хатшысы Елші Қайрат Сарыбай мәлімдеді.
«Азия кеңесіндегі ең басты құжат «Трансформация жөніндегі Астана мәлімдемесі» болды. Азия кеңесін толыққанды өңірлік халықаралық ұйымға біртіндеп кезең-кезеңмен және консенсусқа негізделген трансформациялаудың құрылымды, инклюзивті және ашық келіссөздер процесі басталды деген сөз. Айта кетейік, ҚР Президенті Қ.Тоқаев бұл туралы әрдайым айтып жүретін. Азия кеңесінің қазіргі ерекшеліктері халықаралық ұйымға ұқсайды. Өйткені, басқару органдары, атқарушы органдары, құрылымдары бар», - деді спикер.
Брифингтерден хабардар болғыңыз келе ме?
Біздің Telegram каналға жазылыңыз!