«Жол-көлік оқиғаларында қаза тапқандар мен зардап шеккендердің төрттен бірі жаяу жүргіншілер. Жолдағы қауіпсіздік жаяу жүргіншілерге де, жүргізушілерге де байланысты. Екі жақта да тәуекелдер бар. Себебі, жол-көлік оқиғасына көбіне көшені рұқсат етілмеген жерден кесіп өтетін немесе бағдаршамның қызыл жарығына өтетін жаяу жүргіншілер кінәлі болып жатады. Кейбіреулер жолды кесіп өтерде айналаға қарау керек екенін ұмытып кетеді, себебі бұрылыстан кенеттен көлік пайда болуы мүмкін. Сол сияқты, тәуліктің қараңғы уақытында жүргізушілер жаяу жүргіншілерді байқамай қалуы мүмкін, себебі жаяу жүргіншілер киімдерінде жарық қайтаратын элементтерді сирек пайдаланады, сондықтан өте сақ болу керек және жүргізушінің сізді өткізіп жіберетініне көз жеткізу керек», - деді спикер.
ҚР ІІМ Әкімшілік полиция комитетінің мәліметінше, жаяу жүргіншілердің кінәсінен 357 жол-көлік оқиғасы орын алып, 77 адам қаза тауып, 293 адам жарақат алды.
