«Аурудың алдын алудың ең тиімді әдісі – вакцинация. Биыл бюджет қаражатына Ресейде шығарылған «ГРИППОЛ +» вакцинасының 2,3 млн дозасы сатып алынды. Вакцина құрамында алдағы маусымдағы вирустарға қарсы штаммдар бар. Бұл жалпы республика халқының 12%-ын қамтуға мүмкіндік береді, ДДҰ ұсынған көрсеткіш – кемінде 10%. Мемлекеттік бюджет қаражаты есебінен халықтың осал топтары егіледі: олар – медицина қызметкерлері; медициналық ұйымдарда диспансерлік есепте тұрған балалар; жетім балалар мен ата-анасының қамқорлығынсыз қалған балаларға арналған білім беру ұйымдарының, балалар үйлерінің балалары; эпидемиологиялық көрсеткіштер бойынша. Қазан айының басынан бастап халыққа тұмауға қарсы вакцинация жүргізілуде. Ел бойынша тұмауға қарсы 1 806 710 адам немесе жалпы республика халқының 9,5%-ы егілді», - деді спикер.

 
98%-ға жуығы жергілікті бюджет есебінен, 30 мыңға жуық адам жұмыс берушінің есебінен егілді, 20 мың адам өздері төледі.


Вакцинация алғандар арасында 14 жасқа дейінгі балалар - 20% артық. Вакцинациядан кейінгі асқынулар тіркелген жоқ.