Ведомство кезекті шен беру процесін автоматтандырды. Алғашқы сегіз қызметкер цифрлық форматта өз шендерін жазда алған болатын.
Министрліктегі кадрлық процестерді цифрландыру қызметкерлерді қағазбастылықтан арылтып, қызметті бейіндік міндеттерге ауыстыруға мүмкіндік береді.
Бұл – қызметкерлерді дамыту және ынталандыру, олардың құқықтарын қорғау, меритократия қағидатын қамтамасыз ету және ұжымдағы моральдық-психологиялық ахуалды арттыру.
Дебюрократизация бойынша қабылданып жатқан шаралар жеке құрамға жүктемені азайтып, сыбайлас жемқорлық тәуекелдерін жояды.
Бұл жолы цифрлық форматта жоғары офицерлік шенге:
Асқар Мұхаметқалиев – ІІМ Есірткі қылмысына қарсы іс-қимыл департаменті бастығының орынбасары;
Сергей Стихеев – ІІМ Жедел-криминалистикалық департаменті бастығының орынбасары;
Талғат Мұқанов – штаб бастығы – Ұлттық ұланның 3656 әскери бөлімі командирінің бірінші орынбасары ие болды.
Министрлік полиция қызметін дебюрократизациялау, цифрландыру және оңтайландыру, ішкі рәсімдерді қайта қарау, сыбайлас жемқорлыққа қарсы іс-қимыл шараларының тиімділігін арттыру және олардың туындау себептерін жою бағытында жұмысты күшейткен.
