Ағынды сулардағы ластаушы заттардың шекті рұқсат етілген шығарындылар нормативтерінің артуы және оларда күкіртті сутектің бары анықталды.
«2019 жылы қоршаған ортаға эмиссияларды рұқсат құжаттары мен ластаушы заттардың нормативтен тыс шығарындыларынсыз жүзеге асыру нәтижесінде компанияға 2,3 млрд теңгеден астам айыппұл салынып, сондай-ақ 600 млн теңге сомасында залал белгіленді. 2020 жылы экологиялық заңнаманы бұзғаны үшін компанияға бірнеше миллион айыппұл салынды. 2021 жылы жасалған әкімшілік жауапкершілік туралы хаттама компанияның шағымына байланысты соттың қарауында. Осы жылы екі тексеру басталды. Жақында апат болды. Қазір профилактикалық бақылау барысында біз себептер мен жауапкершілікті анықтаймыз», - деді спикер.
Компания Атырау облысының экологиялық проблемаларын кешенді шешу бойынша Жол картасына енгізілген 3 іс-шараны орындау бойынша міндеттемелер алды. Кәсіпорын қызметінің қоршаған ортаға әсерін зерттеуге бағытталған тәуелсіз ғылыми ұйымдарды тарта отырып, жиынтық жұмыстар жүргізілуде. Меморандум аясында облыс аумағын көгалдандыру жұмыстары қолға алынды. 2023 жылдың соңына дейін Астрахань-Маңғышлақ су құбырынан тұщы су алу көлемін 30-дан 70%-ға дейін төмендетуге мүмкіндік беретін су тазарту қондырғысының құрылысы бойынша жоба іске асырылатын болады.
