Қазақстанның ұлттық даму жоспарында көлеңкелі экономиканы 2025 жылға қарай ЖІӨ-нің 15% деңгейіне дейін төмендету міндеті қойылды. Осы міндеттерді шешу үшін Үкімет 2021-2023 жылдарға арналған Кешенді жоспарды бекітті, ол 54 тармақтан тұрады, Мемлекеттік кірістер комитеті 26 іс-шара бойынша негізгі орындаушы, 14 іс-шара бойынша бірлесіп орындаушы болып табылады. Бұл туралы Орталық коммуникациялар қызметі алаңында ҚР Қаржы министрлігі Мемлекеттік кірістер комитетінің төрағасы Данияр Жанәлінов хабарлады.
Оның айтуынша, бүгінде 20 тармақ орындалды.
«Біздің құзыретіміздегі негізгі бағыттар: салықтық және кедендік әкімшілендіруді жетілдіру; заңсыз бизнестен жұртшылықтың мүддесін қорғау; қолайлы бизнес орта құру. 2021 жылы қабылданған шаралар 2020 жылмен салыстырғанда 0,5 п.п. төмендеумен, ЖІӨ-ге көлеңкелі экономиканы 19,75% деңгейіне дейін төмендетуге мүмкіндік берді», - деді спикер.
Брифингтерден хабардар болғыңыз келе ме?
Біздің Telegram каналға жазылыңыз!
