Болашақта 5G желісінің негізгі пайдаланушылары мүдделі тараптардан анықталады: бұл жоғары жылдамдықты қажет ететін ірі бизнес абоненттері, видеоларды көп көретін және сапалы байланысты қажет ететін белсенді әлеуметтік желі қолданушылары. Халықаралық зерттеулер мобильді технологияларды енгізу қарқыны мен халық пен бизнестің экономикалық белсенділігі арасындағы тікелей байланыстың барын көрсетті. 4G технологиясын енгізу және қазір оны дамыту кезінде оның халық пен бизнес үшін қандай пайдасы бар екені белгілі. Бұл туралы ОКҚ алаңында өткен брифингте ҚР цифрлық даму, инновациялар және аэроғарыш өнеркәсібі вице-министрі Асхат Оразбек айтты.
Мысалы, банктік қызметтер, видео қызметтер белсенді дамып келеді.
«Цифрландыру, ғылым және инновациялар есебінен технологиялық серпіліс» Ұлттық жоспарына сәйкес, 2022 жылдың соңына қарай үш қалада – Алматы, Астана, Шымкент қалаларында 5G желісін іске қосу жоспарлануда. 2025 жылға дейінгі кезеңде желіні еліміздің барлық дерлік облыс орталықтарында тарату көзделген. 5 жыл ішінде республикалық маңызы бар қалалар 5 G желісімен 75%-ға, облыс орталықтары - 60%-ға қамтылуы тиіс», - деп атап өтті спикер.