Жезқазған қаласында ҚР Экология, геология және табиғи ресурстар министрлігінің өкілдері Ұлытау облысының тұрғындарымен кездесу өткізді.
Іс-шара барысында облыстағы экологиялық ахуал бойынша көптеген мәселелер талқыланды.
Экологиялық мониторинг нәтижелері бойынша Жезқазған қаласының ластану деңгейі атмосфералық ауадағы күкіртсутектің, күкірт диоксидінің, фенолдың, көміртегі оксидінің асып кетуінің анықталуына байланысты жоғары деп сипатталады. Ластанудың жоғары деңгейі бірқатар ірі кәсіпорындардың ескірген түтін газын тазарту жүйелерінің жұмысына байланысты.
Биылғы жылдың 9 айының қорытындысы бойынша Ұлытау облысына ел бойынша 900 мың тоннадан ластаушы заттар шығарындыларының шамамен 82,0 мың тоннасы келеді, бұл ұқсас кезеңнен (53,3 мың тонна) 20% - ға жоғары. Шығарындылардың өсу себептері «Казахмыс Смэлтинг» ЖШС жұмысын қайта бастау болып табылады (2021 жылы өрт салдарынан зауыт жұмысын ішінара тоқтата тұру).
Аймақтың негізгі экологиялық проблемаларына мыналар жатады:
- Жезқазған мыс балқыту зауытындағы қолданыстағы Шаң-газ тазарту жабдығының қанағаттанарлықсыз жай-күйі, ол қатты тозу себебінен қазіргі заманғы талаптарға сай келмейді;
- бірқатар көрсеткіштер бойынша канализация тазарту құрылыстарының тиімсіз жұмысының салдарынан Қара-Кеңгір өзенінің ластануы. Жабдықтың тозуы 80% дан асады;
- қалдықтарды басқарудың жетілмеген жүйесі және т.б.
Ұлытау облысының әкімдігіне тұрмыстық қатты қалдықтарды сұрыптау және қайта өңдеу бойынша бағдарлама әзірлеп, инвестиция тарту ұсынылды. Сонымен қатар, қалдықтарды сұрыптау және қайта өңдеу бойынша орта және шағын бизнесті тарту, сондай-ақ рұқсат етілмеген полигондарды қалыптастыру және жою мәселесін шешу бойынша шаралар кешенін әзірлеу қажет.
Халықты толғандыратын мәселелердің бірі бірқатар аумақтарды экологиялық апат аймағына жатқызу болып табылады. Осыған сүйене отырып, жергілікті деңгейде арнайы комиссия құрылды, оның құрамына мемлекеттік органдардың, жұртшылықтың өкілдері кірді, оның шеңберінде онкологиялық аурулардың өсу себептерін, оның ішінде «Байқоңыр» ғарыш айлағының қызметінен әсер ету жағдайын дұрыс бағалау мақсатында ғылыми-зерттеу жұмыстарын жүргізу қажеттілігі бөлігінде Комиссияның бұрын берілген ұсынымы орындалатын болады.
Есепті баяндамадан кейін халықпен диалог өтті, онда әрбір адам «Еркін микрофон» арқылы өзін қызықтыратын сұрақты қоюға мүмкіндік алды.
Соңында азаматтарды жеке қабылдау өтті.
